Nga gjysma e kutive me antibiotikë deri te pastat e dhëmbëve përgjysmë dhe lloje të tjera ilaçesh, gjërat e fshehura në dollapët e banjës dhe në kabinetin e ilaçeve të shtëpisë janë kryesisht… të padobishme, në mos të rrezikshme, në rast se kanë skaduar. Në këtë bollëk produktesh, padyshim që do ta keni të vështirë të gjeni ilaçin ose produktin që kërkoni kur keni vërtet nevojë për të.
Prandaj, sigurohuni që të hiqni qafe sendet e mëposhtme që nuk janë të dobishme, por që zënë hapësirë të vlefshme.
Mostrat e kozmetikës
Ajo banjë me flluska që ishte një dhuratë nga një revistë që keni blerë ose sapuni që keni marrë me vete nga hoteli juaj i pushimeve dy vjet më parë duhet patjetër të mos zërë më hapësirë në dollap. Kështu që më mirë hidhini ato.
Produktet që keni përdorur një ose dy herë
Ndonjëherë duhet të jemi të sinqertë me veten dhe të heqim qafe gjërat që nuk janë bërë kurrë pjesë e rutinës sonë, pavarësisht se sa para kemi shpenzuar. Kjo vlen si për kozmetikën, si kremrat e trupit, por edhe për pastat e dhëmbëve apo sende të tjera të higjienës personale.
Kozmetikë të skaduar
Shumë herë do të na ndodhë të përdorim një produkt për kujdesin e lëkurës me afat të skaduar, siç është kremi për trupin, pasi nuk e mbajmë mend kur e kemi përdorur për herë të parë. Zakonisht “kambana” e parë për ta futur në koshin e mbeturinave është aroma e ndryshuar ose ndonjë ndryshim në përbërje. Prandaj, këshillohet të konsultoheni me udhëzimet në pjesën e pasme të paketimit. E njëjta gjë vlen edhe për kozmetikën, si për shembull make-up apo rimel, të cilat i keni përdorur vetëm disa herë.
Ilaçet e skaduara
Ashtu si asgjësimi i produkteve të kujdesit personal të skaduar, ju gjithashtu duhet të hidhni ilaçet e skaduara. E vetmja herë që mund t’i përdorni është nëse kanë skaduar një ose dy muaj më parë. Në çdo rast tjetër, hiqni ato nga dollapi dhe sigurohuni që të blini të reja kur të keni nevojë.
Megjithatë, Shoqëria Mbretërore Farmaceutike Britanike rekomandon që ilaçet të mos i ruani në tualet, por në një pjesë tjetër të shtëpisë pa erë apo avuj uji, siç është dhoma e gjumit, sepse ambienti i lagësht i banjës mund të zvogëlojë efektivitetin dhe përbërjen e tyre.
